Gulli : varstu að leita að mér?

25.5.02

 
Kosningar
Kaus á miðvikudaginn í Ármúla. Það var svolítið sérstakt. Sendi svo atkvæðið mitt austur með Sigga frænda. Hann lét pabba fá það (?) og ég held að mamma eða systir mín hafi farið með það á kjörstað. Veit einhver um atkvæði sem hefur verið jafn víðförullt?

::14:02

 
Ís
Ég er geim. Eigum við að fá þann rauðhærða með?

::14:01

 
Mbl.is
Af hverju virkar þessi heimasíða ALDREI? Veit einhver hvort það sé búið að leggja hana niður?

::13:53

 
Sveitó!
Maður skammast sín hálfpartinn fyrir það að vera utan af landi stundum. Yfirkjörstjórn heima skeit á sig. Nú er hreppurinn minn er orðinn svo stór að hann hefur fengið yfirkjörstjórn og tvær kjörnefndir í jafnmörgum kjördeildum, sniðugt. Já og hún skeit á sig. Það varð að stoppa atkvæðagreiðslu í morgun vegna mistaka í kjörseðli. Kjörstjórnin má kalla þetta hvað sem hún vill. Ég vil meina að hún sé mistök. Af hverju sá ekki þessi rúmlegi tugur af fólki að atkvæðaseðillinn væri vitlaus. Mér finnst að þetta fólk eigi ekki rétt á að fá greitt fyrir vinnu ef hún er ekki framkvæmd.

::13:52

24.5.02

 
Business
Ég og Ingvi erum að fara í Business. Hægt er að panta á gulli@love.is

::13:17

 
Ally McBeel
Komst upp á lagið með Ally McBeel í vikunni. Alveg hreint yndislegir þættir en pínulítið str8. En það eru nokkrir karlkynsleikarar sem bæta það þó alveg upp. Ég var hins vegar eitt kvöldið í vikunni að horfa á þetta með Sigga frænda. Ég ýtti á stop því að ég þoldi ekki meiri svona str8 rómantík. Siggi var frekar hissa en of þreyttur til að standa upp og ýta á play. Að lokum féllst ég á það að horfa á þáttinn til enda en ég sagðist ekki myndu horfa á meira nema að það kæmi hommi í þáttinn. Þetta væri einfaldlega of mikið fyrir mitt litla líf. Ég var ekki búinn að horfa á mínútu þegar Elton John kemur í þáttinn. Tilviljun? Ég held bara ekki, Guð vill að ég horfi á Ally McBeel.

Hvort ætli ég sé með fordóma eða ofnæmi gagnvart str8 rómance? Getur einhver svarað því?

::13:16

 
Ís
Annars hafði Frú Sigríður aldrei samband við mig út af ís í maí. Hún vildi fagna næst síðasta prófinu sínu með því að fá sér ís og sagðist ætla að bjóða mér með. Það eru að vísu ár og öld síðan. En það er bara núna sem ég er að fatta að hún hefur fengið einhvern með sér. Skrítið.

::13:15

 
Mótor hjá Sigríði og Ágústi
Ég vil benda honum Ágústi á að þó að mótorinn hjá hárblásara Sigríðar sé jafn stór og hjá örbylgjuofni Gústa, þá hafi hárblásari Sigríðar mun meiri kosti og að vísu galla. Þú þurrkar til dæmis ekki hár í örbylgjuofni, sama hversu stór eða lítill mótorinn er. Eða hvað? Það minnir mig á söguna um Hans og Grétu. Kannski er best að kalla þau það í framtíðinni. Ég skal vera nornin.

::13:14

 
Gay-pride
Götukortið fyrir Gay-Pride er komið út! Flott að vanda og það hafa aldrei fleiri fyrirtæki viljað auglýsa á því. Gott framtak hjá nefndinni!

::13:13

 
Afmæli
Hjörtur átti afmæli í gær. 21 árs er pjakkurinn orðinn. Til hamingju Hjörtur!

::13:12

 
Umpottun
Ég er búinn að umpotta blómunum mínum fyrir sumarið og setja svona “gellystuff” í moldina þannig að rakinn binst betur í moldinni og það þarf því að vökva sjaldnar. Hentar mjög vel fyrir fólk sem er mikið að heimann og þetta fæst í Garðheimum.

::13:11

 
Queen of Denmark
Matarklúbburinn minn hittist í gær. Við fórum á Argentínu-Steikhús. Mjög skemmtilegt. Við vorum frekar hávær. Ýmislegt komst til tals eins og það slúður að krónprins af ónefndu landi væri hommi! Ég tjáði mig um það að ég hefði áhuga á að verma bólið hans. Það fannst þeim nokkuð skemmtilegt og vildu kalla mig Queen of Denmark. Ég gat ekki verið sammála því, ég sagðist myndu verða kóngur eða prins. En síðan komu þau með nokkuð góð rök þannig að nú er ég sáttur við að vera kallaður Queen of Denmark. Rökin eru semsagt þau að ef kona fer í ráðherraembætti þá neitar hún varla að vera ráðHERRA, þess vegna ætti maki konungs ekki að neita því að vera DROTTNING.

Samt myndi mér finnast það skrítið að hafa opinbert nafn: DROTTNING. Það venst.

::13:10

 
Jesús
Hvað það er langt síðan ég bloggaði seinast

::13:08